Rexistráronse 10 positivos nuevos por PCR nos trés díes últimos

Los datos de la pandemia de COVID-19 dexaron 6 casos el vienres, pero les cifres ameyoraron el sábadu y el domingu.

Asturies, que güei entró na fase 1 del plan desdescalada, sigue rexistrando pocos positivos. Nes trés xornaes últimes rexistráronse un total de 14.

La cifra más alta diose'l vienres, con 6, anque'l sábadu hebo 1 y ayeri 3. En total, dende l'entamu del andanciu de COVID-19 acumúlense 2.346 positivos.

7 finaos

El llau negativu siguen siendo les muertes. El vienres una persona perdió la vida con coronavirus SARS-CoV-2 por 2 el sábadu y 4 ayeri, sumando yá 299 perdes.

No que respeuta a les curaciones, la cantidá ye de 1.026. Na UCI hai anguaño 29 pacientes ingresaos y en planta, 87.