¿Quién ye Éva Büchi, l'académica honorífica de la llingua?

Nacida na población suiza de Lucerna, "caltién un importante compromisu cola llingua asturiana y el so estudiu", apunten dende la institución.

L'Academia de la Llingua Asturiana (ALLA) escoyó esti 2024 declarar como miembru d'honor a la romanista Éva Büchi. La última persona en recibir esti reconocimientu foi, nel 2022, Lisardo Lombardía.

Direutora d’investigación del Centre National de la Recherche Scientifique (CNRS), profesora de la Université de Lorraine, editora de la revista 'Zeitschrift für romanische Philologie' y codireutora del Dictionnaire Étymologique Roman (DÉRom), esta doctora en Llingua y Lliteratura Romániques del 1964 cuenta con una estensísima obra, con delles decenes d’artículos, entraes de diccionariu o capítulos, y "caltién un importante compromisu cola llingua asturiana y el so estudiu dientro del ámbitu románicu".

"Amás de ser miembru del comité científicu de 'Lletres Asturianes', delles de les sos investigaciones asoleyaes nesta y otres publicaciones, estudien l’asturianu dende perspeutives estremaes, como, por exemplu, l'antroponimia, la morfoloxía o la etimoloxía", completen dende l'ALLA.