Política Llingüística robla un conveniu pa investigar el legáu del Padre Galo
- La Casina de la Traducción va echar a andar a lo primero d’ochobre
- Los autores de les obres que representen “la escelencia de la nuesa cultura” recibieron el so reconocimientu
- El Proyectu Fernán-Coronas va ordenar nos próximos 3 años la obra del autor repartida en dellos fondos privaos
- El Proyectu Fernán-Coronas facilita más de 25.000 documentos d’accesu llibre del legáu del escritor valdesanu
|
18 Xunu, 2021 por Redacción
- Inicie sesión o rexístrese pa espublizar comentarios
Trátase d'una collaboración público-privada na que participen la Fundación Valdés-Salas y la Universidá d'Uviéu, anunció Antón García.
El direutor xeneral de Política Llingüística avanzó ayeri na gala d'entrega de los Premios Lliterarios y Artísticos 2020 la robla d'un conveniu "pa poner orde nel trabayu de Fernán-Coronas". Entrugáu por Asturies.com al final de la gala, l'escritor apuntó que diba informar con detalle más alantre sobre'l conveniu, que tien como oxetivu "investigar el legáu del Padre Galo".
Nun ye la única iniciativa entamada alredor del poeta de Cadavéu. La so casa natal va ser la sede de La Casina de la Traducción, en collaboración col Conceyu de Valdés, proyeutu que va echar a andar n'ochobre cola intención d'acoyer alcuentros periódicos, talleres y seminarios nos que s’estudie y analice’l procesu históricu de la traducción al nuesu idioma y del asturianu a otres llingües, asina como la so proyeición de futuru.
Efrén d'Andrés
