Piérdese un horru del sieglu XVI pol accidente d'un camión d'obra

Asitiáu en Sama, nel conceyu de Grau, los propietarios van tratar de recuperar esta ayalga, ún de los 12 de la so época fechaos nel país.

La perda del control d'un camión d'obra valtó'l martes un horru del sieglu XVI. Un impautu que dexó esti bien nun estáu esmolecedor, como amuesa la semeya qu'acompaña esta información.

Sicasí, miembros de l'Asociación del Hórreo Asturiano acudió al llugar pa ver la situación na que quedó l'horru y aconseyar a los propietarios pa entamar trabayos de restauración los más pronto posible. Esti bien mueble tenía una gran importancia al contar con 500 años de vida, siendo ún de los 12 del sieglu XVI que tán fechaos n'Asturies.

Na semeya superior, obra de Víctor Manuel Suarez García, situación na que quedó l'horru. Na inferior, una captura del documental 'L'horru' de Jaime Santos, estáu anterior.