Luis Núñez y Los Folganzanes lleva los temes de 'Blinca' a L'Entregu

|
Luis Núñez y Los Folganzanes

L'actuación va tener llugar el sábadu nel Teatru Municipal de Samartín del Rei Aurelio.

Luis Núñez y Los Folganzanes sigue presentado'l so tercer discu, 'Blinca', per toa Asturies. Asoleyáu nel entamu de la pandemia de COVID-19, lo que cortó les actuaciones que tenía previstes, ta compuestu por diez cantares “que falen del amor, de viaxes…, que cuenten histories”, señaló Núñez a Asturies.com esi mes de marzu que queda pa la historia.

El conciertu del sábadu en L'Entregu va principiar a les 19 hores. Les entraes tán a la venta a un preciu de 5 euros.

Na semeya, conciertu últimu de Luis Núñez y Los Folganzanes el mes pasáu na Terraza de la Llaboral.

Contador Estadistiques