Día del Llibru Asturianu

Los chigres van poder trabayar les barres hasta la medianueche

|
Adrián Barbón rueda de prensa chigres

La hostelería asturiana taba dende la tarde del martes en vilu poles midíes más restrictives énte la pandemia de COVID-19 que pretendía poner en marcha’l Gobiernu más allá de les anunciaes qu’afeutaben al ociu nocherniegu. Finalmente nun se va volver a la fase 2 y les barres de los chigres van poder abrir hasta les 00 hores.

Les informaciones que circulaben ayeri ente hosteleros poníense no peor: les midíes nun diben quedar namái pa los bares que trabayen l’ociu nocherniegu, sinón que diba afectar a tol sector. La principal, la prohibición d’utilizar les barres de los llocales, podiendo trabayar namái les meses y les terraces, una restricción qu’afeutaba tanto a sidreríes como a negocios pequeños que nun disponen d’espaciu pa meses nel esterior.

Finalmente, la decisión del Gobiernu queda en que los chigres van tener que dexar d’utilizar les barres a medianueche. “A partir de les doce consideramos que yá ye muncho más difícil adoptar les midíes de seguranza y, poro, hai que dar un pasu más”, esplicó Adrián Barbón tres la xunta del Conseyu de Gobiernu.

Ye la única novedá con respeuto a les midíes anunciaes ayeri pol direutor xeneral de Cuidaos, Humanización y Atención Sociosanitaria, Sergio Valles. Tola hostelería va tener que pesllar a les 2 de la madrugada –a la 1.30 yá nun se podrá acceder a los llocales– y recomiéndase “un sistema de control de la so propia vecería”, espuso Barbón, que considera “que ye un beneficiu pa tola hostelería, porque permitiría que si un negociu tuviera un casu, automáticamente detectaría a tolos usuarios nos quince díes anteriores y permitiría poro una respuesta drástica, como tamos faciendo col casu de la cervecería Urban’s”.

Nesi sen, apuntó que los servicios xurídicos del Gobiernu tán trabayando cola idea de facer obligatoriu’l rexistru de clientes, pero “hai dificultaes añadíes si nun hai ánimu collaborador por parte del sector hosteleru” que lleven al Executivu a ser prudente de momento.

Semeya obra d'Armando Álvarez.

Contador Estadistiques