Los Alcuentros de Música Tradicional de Soto Rei recuerden un añu más al so paisanu Aurelio Argel

|
Cartelu N'Alcordanza Aurelio Argel 2023 recortáu

La banda de gaites llocal entama dos nueches de conciertos n'alcordanza del periodista, una carrera de monte y una xinta de xermandía.

Los Alcuentros de Música Tradicional consolídense en Soto Rei, col conciertu 'N'Alcordanza Aurelio Argel' como actividá central. Nesta tercer edición divídese en dos xornaes, vienres y sábadu, arrancando a les 21.30 d'esta nueche coles actuaciones del Grupu de Baile Tradicional Xeitu, el Coro Minero de Turón, la Banda Gaites Soto Rei, y Rubén Alba y Nel de Purnea.

Mañana a les 11 hores va celebrase la VIII Carrera de Monte Sierra Llagos, con entrega de premios a les 14.30 hores, y a les 15 una xinta popular de confraternización. El repartu del bollu va principiar a les 19.30 hores y a les 21.30 va principiar la segunda sesión del conciertu cola participación de la gallega Banda de Gaitas e Percusión Insua Caldelas, el tríu asturandaluz Deira y La Tarrancha.

Les dos nueches va siguir la folixa hasta bien entrada la madrugada na carpa con chigre instalada nel llugar. Un DJ va animar les dos cites.

Contador Estadistiques