L'ausencia de Bouzán y Fiuza marquen el LXXXII Descensu del Seya

La organización ta acabante de confirmar que va permitir el portéu en La Boticaria.

A les 12 hores de mañana, depués de que les miles de persones que s'agrupen tolos años na ponte de Les Arriondes canten l'himnu del país, nesta ocasión siguiendo a la guitarra del cantante australianu nietu d'emigrante Oska Proy, va dase la salida del LXXXII Descensu Internacional del Seya, la Fiesta les Piragües. Esta edición ta marcada pola ausencia de los ganadores nes ocho ediciones anteriores, Walter Bouzán y Álvaro Fernández Fiuza.

Nun son los únicos favoritos que nun van participar esti añu na prueba con final en Ribeseya, como ye'l casu del zamoranu Emilio Merchán, lo que la dexa la competición mui abierta. Nun va faltar, poro, la emoción, que s'amplía gracies a la decisión del comité organizador de pemitir el portéu en La Boticaria, maniobra que pue resultar clave pal trunfu nel Seya.