L'asturianu Fernández Castañón y el lleonés Becerro ganen el Seya

El trunfu en K-1 foi pal danés Pedersen.

Depués de conformase col bronce seis díes enantes nel Campeonatu d'Europa de Maratón, celebráu en Decize, la K-2 asturlleonesa formada por Miguel Fernández Castañón y José Julián Becerrol quitó'l mal sabor de bocal nel LXXXIII Descensu Internacional de Seya al superar na meta de Ribeseya a los vencedores na población borgoñona, los franceses Quentin Urban y Jeremy Candy. Los terceros foron el rioseyanu Juan Busto y l'arxentín Roberto Geringer.

La victoria de los palistes d'Avilés y La Bañeza, pertenecientes al Club Fluvial de Lugo, nun tuvo falta de polémica. El cántabru Julio Martínez, máximo ganador del Seya (11 ocasiones) y líder na mayor parte de la prueba, acusó a los ganadores de zarralos nun momentu del descensu, provocando una frayadura na piragua na que competía col asturianu Emilio Llamedo Iglesias, pero'l so recursu tornólu la organización.

Otres categoríes

N'otres categoríes destaca la victoria del danés Mads Brandt Pedersen, en K-1; de la zamorana Eva Barrios Marcos y la navarra Amaia Osaba, en K-2 femenín; y de la grupista Miriam Vega, en K-1 femenín.

Na semeya, un momentu de la salida en Les Arriondes.