La xira de Dixebra de presentación de 'Ente la niebla' va contar con un repertoriu "híbridu"

La banda avilesina tien zarraes cerca de 15 feches, nes que va tocar la metá del discu xunto con otros 12 o 14 temes clásicos.

"Tuvimos los nuestos más y menos", bromió Xune Elipe al ser entrugáu pola repertoriu escoyiu pa la xira de presentación de 'Ente la niebla', qu'arranca'l vienres viniente n'Uviéu. "El repertoriu que vamos tocar ye un híbridu. Vamos interpretar la metá de los 20 cantares del discu y compaxinalos con otros 12 o 14 temes que nun podemos dexar de tocar. Hebo que xubilar temes que veníemos tocando dende hai munchos años", esplicó.

Asina, el cantante adelantó que nun van faltar ‘Nun llores’, ‘Don Vito’, ‘Dime cómo ye’, 'Canciu d'amor', ‘Gaiteru’ y ‘Esto ye Asturies’ nos cerca de 15 conciertos yá confirmaos de la xira. Soto Ribera, Avilés, Arenas, Cantabria en delles ocasiones y Eivissa, nun festival el 8 d'agostu, son dalgunos de los sitios que va visitar Dixebra.