La versión 5 de Firefox yá ta disponible pa descargase

|

Según anuncien dende’l coleutivu Softastur, la versión 5 de Firefox, “el restolador web más usáu n’Europa y emblema del software llibre nel mundu” yá pue descargase de baldre n’asturianu. Esta versión trae delles novedaes importantes.
 
Asina, los usuarios del restolador de Mozilla van poder disfrutar de la ferramienta ‘Do Not Track’, cola qu'evitar el siguimientu d'usuarios por parte d'anunciantes, permitiendo refugar la publicidá personalizada. Firefox 5 tamién va tener sofitu p’animaciones CSS, una integración pa Linux ameyorada, va ufrir la posibilidá de camudar les versiones disponibles nes canales de desendolcu de Firefox dientro del propiu restolador y meyores nel rendimientu del motor JavaScript y nel sofitu HTML 5, XHR, MathML y SMIL.
 
Firefox trátase del restolador de software llibre más importante del mundu y compite na rede col Internet Explorer de Microsoft, el Safari d’Apple y el Chrome de Google. La versión 4 tuvo millones de descargues y superó al Internet Explorer n’Europa.

Contador Estadistiques