La ufierta d'asturianu en La Casa de las Lenguas va llegar en setiembre

La razón de la nun apaición na convocatoria de cursos ye la falta de profesoráu disponible.

Va haber clases d'asturianu esti cursu en La Casa de las Lenguas de la Universidá d'Uviéu. Asina lo confirmó l'equipu rectoral a Iniciativa pol Asturianu llueu d'una consulta fecha énte la situación denunciada públicamente pola Xunta pola Defensa de la Llingua Asturiana.

El mes de setiembre ye cuando ta previsto que s'anuncie la convocatoria de la matrícula, una vegada que se solucione la disponibilidá de profesoráu. Ésta foi l'argumentación dada pa esplicar que l'asturianu nun tuviera ente los 14 idiomes que s'ufierten.

Na imaxe, sede de La Casa de las Lenguas n'Uviéu. Semeya propiedá de La Casa de las Lenguas.