La UABRA celebró'l pieslle oficial cola entrega de los diplomes

El rector Ignacio Villaverde fixo una visita guiada pel Edificiu Históricu de la Universidá d'Uviéu.

La XIII Universidá Asturiana de Branu (UABRA), qu'entama l'Academia de la Llingua Asturiana (ALLA) en collaboración cola institución universitaria, celebró ayeri'l pieslle oficial cola entrega de certificaos acreitativos a les alumnes y alumnos participantes. Éstos recibieron el premiu al so esfuerciu na Aula Magna de la mano de Xosé Antón González Riaño, presidente de l'ALLA; María Cristina Valdés, direutora de la UABRA, y el secretariu Inaciu Galán; y el propiu Villaverde.

El Campu foi sede per primer vegada d'estos cursos, que se desendolcaron del del 31 de xunetu al 11 d’agostu. Amás, na cita d'ayeri entregáronse diplomes a les persones que participaran na UABRA en llinia de les ediciones del 2021 y 2022.

Llueu del actu, Villaverde ufrió a los presentes una visitada guiada pel Edificiu Históricu. Como anéudota, apuntó que l'añu qu'entra diba preparala pa facela n'asturianu.

Na imaxe, Villaverde da esplicaciones nun momentu de la visita. Semeya obra de Nacho Berdiales.