"La reforma del Estatutu ta preparada, falta qu'esti partíu diga sí", diz Barbón sobre Foro
- “Fuera naide nun entiende esta anomalía, inesplicable nuna democracia europea; ye’l momentu de correxilo”, afirma Galán
- Pumares pide a Barbón que "dexe d'enredar" y "si la tien, presente la reforma xunto col articuláu"
- La XDLA encamienta al Gobiernu a presentar una propuesta de reforma del Estatutu que recueya la oficialidá
|
9 Mayu, 2022 por Redacción
- Inicie sesión o rexístrese pa espublizar comentarios
"Presentámosla inmediatamente cuando'l diputáu confirme que ta dispuestu", asegura.
Adrián Barbón, dos díes depués del actu institucional del XLIII Día de les Lletres Asturianes, con discursos solicitando a Adrián Pumares un esfuerciu pa desbloquiar la situación y nun tener qu'esperar a la llexislatura próxima pa reformar l'Estatutu d'Autonomía y declarar la oficialidá, dexó entever qu'esta opción entá ye posible. Foi ayeri en La Pola Llaviana, onde acudió a la I Muestra de Gastronomía Cántabra xunto col presidente de Cantabria, Miguel Ángel Revilla.
"Agora nun se pue porque nun hai 27 votos. Nel momentu nel que'l diputáu que falta por confirmar me confirme que ta dispuestu, la reforma del Estatutu ta preparada y presentámosla inmediatamente. Falta qu'esti partíu diga sí. Hai 26 votos, necesítense 27", dixo'l presidente del país.
Na imaxe, Barbón xunto a Revilla, que firma un balón a un neñu. Semeya obra d'Armando Álvarez.
Efrén d'Andrés
