‘La neña de les trences al revés’ abre’l semestre de La Reciella de la Factoría

|

L’espectáculu de marionetes ‘La neña de les trences al revés’, d’El Callejón del Gato, es la primer de les cuatro actividaes nesti semestre de La Reciella de la Factoría. Esta iniciativa entámala la Estaya de la Llingua d’Avilés con ‘Reciella. Families pol Asturianu’.

La historia d’esta obra básase nel cuentu d’Iris Díaz Tranco sobre dos neñes, Thana y Deva, que viven n’África y Europa, de manera respeutiva. Un día la lluna permíte-yos falar y asina descubren que nun habiten en mundos tan distintos, anque lleven les trences de manera diferente.

La función va comenzar a les 19 hores nel espaciu escénicu de la Factoría Cultural, con entrada llibre hasta completar aforu y la imposibilidá d’acceder a la sala una vegada comenzada la función. ‘Cuentos y llendes’ (23 de marzu), a cargu d’El Turnebís del Tribilín; l’actuación d’El coru de la reciella del Conservatoriu Julián Orbón (20 d’abril), dirixíu pola profesora Isabel Baigorri; y el cuentacuentos ‘Valentina quier un pexe’ (11 de mayu), d’Olga Cuervo, completen la progración de La Reciella de la Factoría pa esti primer semestre del añu.

Contador Estadistiques