La gallega Chus Pato participa n'Uviéu na segunda sesión del II Ciclu de Poesía QED

Va tar acompañada na Biblioteca d'Asturies por Patricia Suárez y Sergio G. Camblor.

El II Ciclu de Poesía Quod Erat Demonstrandum (QED) vive esta tarde, a les 19 hores, la segunda sesión de les trés previstes. La convidada nesta ocasión ye Chus Pato, nacida n'Ourense nel 1953, una de les voces más representatives de la poesía gallega contemporárea, hasta'l puntu de recibir nel 2008 el Premio de la Crítica na modalidá de poesía gallega que concede l'Asociación Española de Críticos Literarios (AECL) por 'Hordas de escritura'.

La escritora gallega va recitar n'Uviéu xunto con una de les voces nueves de la poesía n'asturianu, la mierense Suárez, y col sierense Camblor. Una xornada d'intercambiu poéticu, cultural y llingüísticu qu'entama l'Asociación Cultural Mezá col patrociniu económicu de la Viceconseyería de Cultura, Política Llingüística y Deporte baxo la coordinación de Miguel Rodríguez Monteavaro.

La tercera, n'avientu

Xunto con Pato, nesta segunda edición participen Niño de Elche y el vascu Kirmen Uribe. El Premio Nacional de Narrativa nel 2009 va viaxar a Uviéu'l 22 d'avientu pa vese con Aníbal González y Esther Prieto.

Na imaxe, Pato.