La Facultá de Formación del Profesoráu, sede del bloque escritu del B2 y C1

|
Facultá de Formación del Profesoráu y Educación B2 d'asturianu 2020

El primer esame de les pruebes adaptaes al Marcu Común Européu de Referencia pa les Llingües va celebrase'l 9 d'ochobre con 283 y 193 candidatos, de manera respeutiva.

La Facultá de Formación del Profesoráu y Educación de la Universidá d’Uviéu repite como sede del bloque 1, l'escritu. El 2, l'oral, que va celebrase dende'l día 18, tien llugar esti añu nel IES Alfonso II, tamién n'Uviéu.

23 persones finalmente nun fixeron el trámite de pagu de tases, 17 pal B2 y 6 pal C1, polo que finalmente van presentase a les pruebes pa certificar el so conocimientu de llingua asturiana 283 y 193 aspirantes, de manera respeutiva. Pa dambos niveles había un tope de 300 places, solicitando plaza nel casu del intermediu 431.

Los 476 convocaos han tar dende les 8.20 hores, dependiendo del so apellíu, pa entrar al aula. Han llevar DNI, mázcara y un bolígrafu azul o negru.

Na semeya, aspirantes al B2 del añu pasáu esperen a entrar a la prueba escrita.

Contador Estadistiques