'La cafiante muerte de Nicolai Bostov' ta nos estantes de les llibreríes

Esta novela de José Ángel Gayol llevó'l XLII Premiu Xosefa Xovellanos, correspondiente al añu 2021, preséntase na Biblioteca d'Asturies.

'La cafiante muerte de Nicolai Bostov' (Trabe), "una sátira social que con un humor esperpéntico y bien corrosivo, retrata la sociedá asturiana de finales del sieglu XX", apunten dende la Direición Xeneral de Política Llingüística, ta nes llibreríes del país a disposición de los llectores. "La nueche na que’l violonchelista Nicolai Bostov morrió nun hotel de poca monta, la vida d’Eufrasio, Frasi pa los amigos, programador cultural d’un llugar onde manda la corrupción, va cambiar yá pa siempre", rellata la editorial sobre la historia escrita pol autor mierense na que va afondar esta tarde n'Uviéu.

L'actu ta previstu pa les 19 hores nel salón d'actos de la Biblioteca d'Asturies 'Ramón Pérez de Ayala', con entrada llibre. Gayol va tar acompañáu nesti actu, al que va asistir el direutor xeneral Antón García, por Xulio Arbesú.