González va competir nel Mundial de Doḥa

La ciclista sierense va participar na prueba absoluta de fondu en carretera.

Alicia González debutará asina en categoria élite nunos Campeonatos del Mundo de Ciclismu depués de participar en junior nos de Firenze del 2013. La corredora del Lointek Team ye una de les trés deportistes convocaes pol seleicionador Ramón González Arrieta pa una prueba que va disputase a les 12.45 hores –11.45 n'Asturies– per carreteres de la capital de Qatar. Completen la llista la compañera d'equipu de González, Alba Teruel, y Sheyla Gutiérrez (Cylance), que competirá tamién na prueba contrarreló.

El Mundial de Doḥa va abrir la competición el dia 9 cola contrarreló de trial femenina y va zarrase'l domingu 16 cola prueba elite de fondu en carretera masculina, na que nun va haber representación asturiana.