Día del Llibru Asturianu

Fianna Fáil supera en númberu d'escaños na Dáil Éireann al Sinn Féin

|
Dáil

El partíu republicanu d'izquierda foi la opción más votada nes eleiciones xenerales d'Éire.

El primer partíu de la oposición, el centroderechista Fianna Fáil, foi la fuercia qu'algamó más escaños tres el recuentu final de los votos de la cita coles urnes del sábadu. La formación liderada por Micheál Martin sumó un total de 38 parllamentarios de los 160 que componen la Dáil Éireann, ún más que'l Sinn Féin, que quedó con 37 nun resultáu históricu.

Mentes, el derechista Fine Gael, que gobernaba en minoría, algamó 35 asientos, siendo el cuartu partíu con más representación el Comhaontas Glas, formación ecoloxista, con 12. Tres frayar col bipartidismu que dominaba'l Gobiernu del país dende la so independencia, Mary Louise McDonald ta negociando con otres fuercies la posibilida de formar un executivu d'izquierda xunto colos minoritarios, ensin descartase un posible pautu con Martin tres declarase ésti abiertu al diálogu.

Na semeya, la Dáil Éireann. Semeya obra d'AnCatDubh baxo llicencia CC BY-SA 3.0.

Contador Estadistiques