El bipartidismu n'Éire presencia la xuba del Sinn Féin nes eleiciones

La formación republicana d'izquierda conviértese n'árbitru de la política irlandesa.

Los conservadores Fianna Fáil y Fine Gael, partíu que gobernaba en minoría, vieron como'l Sinn Féin algamaba un aumentu importante de sofitu nes eleiciones xenerales d'Éire d'esti sábadu hasta'l puntu de ser la opción más votada. Sicasí, pendiente de que fine'l recuentu, que va siguir a lo llargo de güei, tendrá previsiblemente un númberu menor d'escaños que dalgún de los sos dos rivales.

Sía'l resultáu final que sía, l'ésitu del partíu izquierdista que busca la reunificación con Irlanda del Norte ximielga la política irlandesa. La formación que llevó como candidata a Mary Louise McDonald será llave de gobiernu, posiblemente esixendo entrar nél.

Imaxe fecha por Erinthecute baxo llicencia CC BY-SA 4.0.