Éstos son los siete diputaos por Asturies

Pertenecen 3 al PP, 2 al PSOE, 1 a Sumar y 1 a VOX. Trés siguen de la llexislatura última.

Los populares ganaron les eleiciones n'Asturies y consiguieron el tercer diputáu al superar en votos a los socialistes, en concreto por 7.301. D'esta forma consiguíen dar la vuelta al resultáu de payares del 2019, cuando algamara dos representantes en beneficiu de la candidatura liderada naquel momentu tamién por Adriana Lastra, anque ún yera'l representante de Foro, Isidro Martínez Oblanca, al dir los dos partíos en coalición.

Va tener escañu pol PP la númberu 1 de la llista, María Esther Llamazares, y María Mercedes Fernández 'Cherines' y Silverio Argüelles. Mentes, pol PSOE van tar nel Congresu la citada Lastra y Roberto García Morís, que repiten con respeuto a l'anterior llexislatura.

Los otros dos diputaos escoyíos polos ciudadanos pa defender los intereses d'Asturies en Madrid son Rafael Cofiño, de Sumar, y José María Figaredo, de VOX, que tamién tuviera acta estos años pasaos.