Ésti ye'l cartelu que presenta'l Gobiernu (namái n'asturianu) pa conmemorar esti añu'l Día del Llibru

|
Cartelu Día del Llibru 2023

Da a conocer una versión única, en llingua asturiana. Una trentena d'actividaes va desendolcase na cercanía del 23 d'abril.

Talleres de escritura, esposiciones, actividaes infantiles y recitales son solo dalgunes de les opciones pa tolos públicos incluyíes esta selmana na programación de los equipamientos culturales del Gobiernu para conmemorar el Día del Llibru. Ún de los eventos principales ye la esposición 'Clarín, un cuentista fantástico' que se pue visitar na Biblioteca d'Asturies 'Ramón Pérez de Ayala', una retrospeutiva que pon el focu nún de los aspeutos más desconocíos de la obra de Leopoldo Alas, los sus títulos venceyaos al xéneru fantásticu y oníricu, que se va poder visitar dende'l vienres.

En Xixón, na Biblioteca Xovellanos, va tar abierta al públicu dende esi mesmu día la muestra 'La revista Clarín y la nueva literatura', que percuerre la trayeutoria de la publicación lliteraria dende la so creación nel 1996 y a lo largo de los sos más de 160 números asoleyaos. Mentes, dientro del ciclu 'Asturies, Cultura en Rede', tán programaes 15 actividaes en 14 conceyos.

La Orquesta Sinfónica del Principáu d'Asturies (OSPA) tamién participa na conmemoración col 'OSPA Fest. Books Folixa Music', un programa qu'en Xixón y Uviéu va fusionar la música y la lliteratura. El Muséu de Belles Artes, el Centru d'Interpretación del Prerrománicu y el Parque de la Prehistoria de Teberga son otres instalaciones qu'acueyen actividaes estes xornaes.

Contador Estadistiques