El cartelu del Día del Llibru del ministeriu, tamién n'asturianu

Ye'l tercer añu nel que l'idioma apaez n'igualdá de condiciones col restu de llingües del Estáu.

El Ministeriu de Cultura y Deporte inauguró'l llunes la 'Semana Cervantina', dedicada a la celebración del Día del Llibru y del Derechu d'Autor, cola presentación del cartelu conmemorativu d'esti añu. El so autor ye Sergio García Sánchez, Premio Nacional de Ilustración 2022, con color de Lola Moral, a partir d'una cita del último galardonado con el Premio de Literatura en Lengua Castellana Miguel de Cervantes, Rafael Cadenas: "La literatura es un muro contra las barbaries".

Asina, pue vese a una muyer lleendo un llibru en compañía d'un críu frente a una ventana colos cristales frayaos y imáxenes qu'amuesen detalles d'una guerra al fondu. El cartelu tien versión en castellanu y en toles llingües oficiales (aranés, catalán, eusquera, gallegu y valencianu), amás de n'aragonés y n'asturianu, que se presenta como 'bable' y 'leonés' al ser éstos los nomes que s'empleguen nos estatutos d'autonomía d'Asturies y de Castilla y Lleón pa referise al idioma asturlleonés.