El PP de Tapia usa'l gallego-asturiano nes redes sociales

El PP de Tapia usó esta selmana la llingua propia del occidente del país nes sos redes pa felicitar les Fiestes del Carme.

"¡Felices Festas del Carmen, tapieg@s! Disfrutade del día. Gracias a todos os que fixestes posible este atípico día y al noso diputao pol Occidente Álvaro Queipo Somoano por acompañarnos", foi'l mensaxe que los populares tapiegos difundieron dende la so cuenta en Facebook.

La publicación foi tamién compartida pol diputáu na Xunta Xeneral Álvaro Queipo, que yá uso'l gallego-asturiano delles veces nes sos intervenciones na Xunta Xeneral.

El mes de payares de 2019 Vox protestó na cámara pol usu que'l diputáu popular fixo de la so llingua, lo que provocó dalgún maltar nes files populares y una "aclaración de Teresa Mallada" na que xustificaba esti usu porque -según ella- Queipo quería amosar qu'en cada conceyu se fala d'una manera.