El paru baxó n’Asturies nel 2023 en 4.515 persones, percima la media estatal

Si nel 2022 Asturies rexistró 2.911 desemplegaos menos nel 2023 aumentó’l descensu a 4.515 hasta dexar el total en 57.372, la cantidá más baxa dende’l 2007. Supón una mengua del 7,30 por cientu, cuando la estatal foi de 4,59, mentes qu’en comparanza con avientu foi del 1,06 por cientu, del 1 nel conxuntu del Estáu.

Los datos de paru nel país acumulen cinco meses de baxada. N’avientu baxaron en 612 persones polo que’l númberu de demandantes d’emplegu queden en 57.372, mentes que n’España la cantidá total ye de 2.707.456 al rexistrar 27.375 menos.

Si miramos la totalidá del añu, Asturies cuenta con 4.515 desemplegaos menos, un descensu del 7,30 por centiu. Les autonomíes con meyores datos depués de Illes Balears (11,55 por cientu), Aragón (9,48) y Galicia (8,45), mentes que los peores danse en Ceuta (0,16), Comunidad de Madrid (0,65) y Catalunya (0,85).

El descensu diose en tolos sectores d’actividá, pero la industria lidera la llista con una baxada del 12,93 por cientu. La mengua del paru foi paralela al aumentu de les afiliaciones a la Seguridá Social, qu’algamó un 2,03 por cientu, polo qu’hai 7.576 trabayadores más que va un añu.

El total d’afiliaos queda en 380.073, la cifra más alta dende’l 2009. El mes pasáu había 379.280.