Día del Llibru Asturianu

El movimientu asturianu contra la monarquía concéntrase n'Uviéu

|
Cartelu concentración Asturies nun tien rei Fundación Princesa recortáu

Dellos coleutivos van axuntase frente a la sede de la Fundación Princesa de Asturias baxo'l lema 'Asturies nun tien rei'.

Per tercer vegada en poco más d'un mes va entamase nel país una concentración contra la monarquía. Si primero foi a lo último de xunetu en Xixón en protesta pola visita de los reis d'España a Asturies dientro de la so xira oficial per toles autonomíes tres el desconfinamientu y llueu siguió-y otra na mesma villa, nesa ocasión pa pidir el cambiu de nome de l'avenida Juan Carlos I, agora esti movimientu treslládase a Uvieú.

Va ser mañana, a les 19.30 hores, na cai General Yagüe, onde tien la so sede la Fundación Princesa de Asturias. "Asturies tien de lluchar pa defender el so futuru y el de la so clas trabayadora, faciendo por acabar con esti Estáu corruptu y opresor, dando pasu a fórmules lliberadores nes que’l drechu a decidir ta en manes de los/es trabayaores y nes que, ta claro, Asturies nun tien rei", apunten los convocantes, entes los que tán Andecha Astur, Darréu, la Corriente Sindical d'Izquierda (CSI), Mocedá Comunista d'Asturies, Bloque Críticu Asturies o la Federación Asturiana Memoria y República (FAMYR).

Amás, esti movimientu tan activu anguaño tien previsto entamar una manifestación el 8 de setiembre con motivu del Día de la Nación Asturiana.

Na semeya, imaxe emplegada nel cartelu de la convocatoria.

Contador Estadistiques