El cartelu del XLV Día de les Lletres Asturianes yá ye una realidá

L'Academia de la Llingua Asturiana (ALLA) presenta'l diseñu, dedicáu a Conceyu Bable.

Sergio Llunik encargóse del diseñu del cartelu del XLV Día de les Lletres Asturianes, que va celebrase'l vienres 3 de mayu con un actu nel Campoamor. La institución académica va repetir l'horariu de la edición pasada, esto ye, les 19 hores.

Esta selmana ta previsto que l'ALLA faiga anuncia de los académicos nuevos que va recibir en dichu actu, nel que'l discursu del presidente Xosé Antón González Riaño va ser ún de los elementos centrales. L'accesu de públicu al teatru uvieín ye llibre.