D'Andrés va dar a conocer l'ETLEN con actos n'Uviéu y Xixón

El direutor del 'Estudiu de la Transición Llingüística na Zona Eo-Navia (ETLEN)' va presentar l'atles a la ciudadanía.

Tres dar a conocer les carauterístiques y datos y conclusiones principales del trabayu entamáu dende'l Seminariu de Filoloxía Asturiana de la Universidá d’Uviéu a los medios de comunicación n'avientu, el so coordinador Ramón d'Andrés va facer lo propio agora a les asturianes y asturianos con delles presentaciones que tienen como primer parada Uviéu y Xixón. Esta tarde, nel Aula Escalonada del edificiu históricu de la Universidá d’Uviéu, va celebrase dende les 19.30 hores la programada na capital del país, actu nel que va tar presente'l rector Santiago García Granda y Esther Prierto, direutora de Trabe, qu'edita l'atles.

La segunda oportunidá pa conocer de primer manu esti importante estudiu sobre la frontera llingüística ente'l gallegoportugués y l’asturlleonés va ser el martes, nel Atenéu Obreru de Xixón. Va ser dientro del ciclu de conferencies qu'entama l'Asociación Cultural Ástura, tamién con entrada llibre y comienzu pa les 19.30 hores.