Castañón reclama habilitar la Xunta Xeneral en Xineru pa tratar la reforma estatutaria

La coordinadora autonómica de Podemos Asturies y diputada d'Unidas Podemos nel Congresu, Sofía Castañón, expresó esi martes el sofitu de la so formación a la petición formulada dende Izquierda Xunida, pa habilitar el mes de xineru na Xunta Xereral, a la fin de poder continuar colos trabayos pa la reforma del Estatutu d'autonomía.

Castañón, dió l'apoyu a esta solicitú  na so intervención nel Plenu del Congresu de los Diputados celebráu esti martes, onde se debatía la enmienda introducida por Compromís nel Senáu pa una aportación adicional de 1.600.000 euros a la promoción de les llingües minorizaes.

La líder de Podemos Asturies afitó la importancia de la declaración d'oficialidá del asturianu y el gallego-asturiano o fala eonaviega como oxetivu de la reforma estatutaria, explicando que se trata de que “contemos con iguales derechos falemos la llingua que falemos”. Ansí, Castañón recordó a los diputaos socialiestes que “son décades y décades de llucha, de batalla, enfotaos nel reconocimientu d'un derechu fundamental”, por lo que “ye la nuestra responsabilidá facelo posible”. Por ello, la diputada insistió en que la negociación de la reforma avance cuanto antes para cumplir colos plazos que permitan completar la so tramitación.

Axuntamos audiu de la intervención: