Andecha recuerda a los mártires de Carbayín y a Belarmino Tomás

Col doble actu en Siero y Llangréu la organización nacionalista quier homenaxar a tolos revolucionarios d'Ochobre del 1934.

Mañana, 12 d'ochobre, en contraposición col 'Día de la Hispanidad', Andecha Astur llama a militancia y ciudadanía a participar nesti recuerdu a los mártires de Carbayín y a Belarmino Tomás qu'entama tolos años. La primer parada va ser al meudía nel cementeriu de Carbayín, onde tan enterraos los 24 homes de la cuenca'l Nalón qu'asesinó la Guardia Civil en Curuxona la nueche 24 d'ochobre del 1934, una vegada finada la Revolución.

Depués los presentes van desplazase a La Felguera, al cementeriu de Pando, onde descansen los restos de Tomás, una de les figures principales d'Ochobre del 34. La convocatoria nesti casu ye a les 13 hores.

Na semeya, placa restituyida nel cementeriu de Pandho por Andecha Astur l'añu pasáu. Semeya propiedá d'Andecha Astur.