Andecha Astur entama un homenaxe a los mártires de Carbayín y a Belarmino Tomás

|
Cartelu homanaxe Andecha Astur Ochobre 34 recortada

L'actu va desendolcase primero en Siero, pa llueu tomar direición a Llangréu.

Andecha Astur repite un doble homenaxe a los revolucionarios d'Ochobre del 34, representaos na figura de los mártires de Carbayín y de Belarmino Tomás. La cita va arrancar al meudía nel cementeriu de Carbayín, onde en dos fueses comunes tán los restos los 24 homes de la cuenca'l Nalón qu'asesinó la Guardia Civil en Curuxona la nueche 24 d'ochobre del 1934, una vegada finada la Revolución.

D'ehí los presentes van desplazase hasta La Felguera, al cementeriu de Pando, onde s'afaya la tumba de Belarmino Tomás, ún de los líderes de los acontecimientos vivíos n'Asturies hai agora 87 años. Esta parte del homenaxe ta programada a les 13.30 hores.

 

 

Contador Estadistiques