Aconceya'l xuráu del Alfonso Iglesias de cómic

Van principiar a fallase los Premios Lliterarios.

Esta tarde, a les 16.30 hores, va aconceyar na sede de la Direición Xeneral de Política Llingüística'l xuráu del XI Premiu Alfonso Iglesias de cómic. Antón García, direutor xeneral, encárgase de presidilu.

El cómic va ser la primer estaya de les cinco que componen los gallardones qu'entama la Conseyería de Cultura, Política Llingüística y Turismu que se va fallar, cola novedá d'un aumentu de 2.000 euros nel premiu p'algamar los 5.000 de recompensa. Amás del XI Alfonso Iglesias van entregase nes selmanes próximes el XL Xosefa Xovellanos de novela, el XXV Xuan María Acebal de poesía, el XXV Máximo Fuertes Acevedo d’ensayu y el XII María Xosefa Canellada de lliteratura infantil y xuvenil.

Na semeya, dalgunes de les obres ganadores del Premiu Alfonso Iglesias de cómic.