363 persones participen nes pruebes de los niveles B2 y C1 d'asturianu

La parte escrita celebróse'l sábadu.

Ta en marcha la tercer convocatoria de les pruebes de certificación de Llingua Asturiana adaptaes al Marcu Común Européu de Referencia pa les Llingües de nivel mediu B2 y la segunda del avanzáu C1, el más altu. Un total de 363 persones participen nelles, de les que 261 tán matriculaes pal primeru y 102 pal segundu.

La Facultá de Formación del Profesoráu y Educación de la Universidá d’Uviéu repitió'l sábadu como sede de la parte escrita de les pruebes. Les orales van celebrase dende'l llunes n'horariu de tarde nel uvieín IES Alfonso II.

Na semeya, aspirantes del C1 momentos enantes del entamu de la prueba.