SUATEA anuncia, tres conocer la sentencia, una campaña pa esixir al Gobiernu estatal que fine cola inestabilidá del profesoráu.

Esti xueves presentáronse na Plaza Mayor de Xixón los siete autobuses nuevos qu'estrenen el diseñu 'Marea roja' que ganó'l concursu popular convocáu por EMTUSA. Dalgunos d'estos vehículos lleven nome asturianu gracies a los neños de la ciudá.

El conceyal d’Interior, Iván Álvarez López, confirmó que Xuan María Acebal tendrá una cai na ciudá y una placa na so casa de nacencia. Iniciativa pol Asturianu solicitara al Conceyu d’Uviéu esti xestu pa recordar la figura d’ún de los escritores más importantes de la nuesa lliteratura.

El Conceyu por Otra Función Pública n'Asturies (COFPA) alerta que namái ITVASA y Sedes espublicen de forma correuta la información esixida.

El Centru Municipal Integráu Pumarín-Xixón Sur acueye un alcuentru de corales.

L'Agrupación Coral de Porceyo ye'l xerme d'esti IX Encuentro Coral de Habaneras y Canción Marinera de Gijón que se celebra dende güei y hasta'l sábadu cola participación de once formaciones asturianes y una lleonesa. La entrada pa cada xornada ye de baldre, pero ye necesario retirar invitación, que va tar disponible nel mostrador d'información del centru dende la xornada previa hasta 15 minutos enantes del comienzu de les actuaciones, previstu pa les 19.30 hores.

El tratamientu de los llibros de testu de Secundaria y Bachilleratu a la llingua asturiana, catalogándola de dialeutu del castellanu o d'un idioma en desusu, crea polémica nesti aniciu del cursu al igual que n'años anteriores. "Les editoriales incumplen la normativa del currículu d'Asturies", asegura González Riaño, vicepresidente de l'ALLA.

A un 89 por cientu de los nuesos llectores que participaron en 'Conceyu Abiertu' nun-y prestó los actos convocaos por mor del Día de la Nación Asturiana. Considera qu'éstos foron "probes" y que quedaron tapecíos pola bayura de fiestes qu'hai nesta fecha.

Les agües de la costa atlántica gallega y del Cantábricu, más fríes y con menos hores de sol, tienen una mayor concentración de bacteries E. coli y enterococos, según un análisis de la Universitat d'Alacant. Murcia ye'l llugar onde menos presencia tienen.

La Conseyería de Desarrollu Rural y Recursos Naturales destina 300.000 euros n’ayudes p’asesorar a 3.300 esplotaciones agraries. Failo al traviés de cooperatives, sociedaes de tresformación y organizaciones profesionales y de productores qu’empresten esti tipu de servicios.

L'atleta Alberto Suárez Laso algamó la plata na so prueba de maratón nos Paralímpicos.

El calor y la humedá de Rio de Janeiro –30 graos y 66 por cientu mientres la prueba– nun foron bonos aliaos del de Riosa, que nun pudo repetir l'oru de Londres 2012. Nesta ocasión superólu'l marroquín El Amin Chentouf, que marcó un tiempu de 2 hores, 32 minutos y 17 segundos, 54 segundos menos que l'asturianu. Completó'l podiu'l xaponés Masahiro Okamura, a un minutu y 42 segundos del africanu.