La historiadora participa nes charres mensuales d'Ástura de cultura asturiana.

El vienres va celebrase’l primer de los talleres ‘Traxinando n’Avilés’ sobre indumentaria tradicional a cargu de Susana Sela previstos estos meses. La Estaya de la Llingua entama esta iniciativa de baldre pa neños y neñes de 5 a 10 años.

La candidatura de Mercedes Fernández algamó un apoyu casi unánime nel decimosétimu congresu del Partido Popular (PP) asturianu al sumar 686 apoyos de los compromisarios, con 23 votos en blancu y 6 nulos. La reelixida presidenta de la formación tornó esti llunes a alcordase de la llingua asturiana.

El caltenimientu o non del impuestu de socesiones divide a la sociedá asturiana, como amuesa’l nuesu ‘Conceyu Abiertu’. Un 46 por cientu de los usuarios d’Asturies.com apuesta por desanicialu, mentes qu’un 29 por cientu prefier qu'esti tributu defendíu dende la izquierda siga esistiendo anque con un axuste del mesmu.

El documental rodáu nel cordal cantábricu va proyeutase en cines dende'l 31 de marzu.

L'osu pardu ye'l protagonista principal d'esta cinta dirixida por Joaquín Gutiérrez Acha, que tuvo grabando nes viesques y montes del territoriu cantábricu mientres dos años pa ufrinos espectaculares imáxenes sobre la fauna y flora del llugar, ente la que destaca la d'una manada de llobos entamando una cacería, precisamente n'Asturies. Amás del pol espectacular escenariu natural, 'Cantábrico' destaca pola calidá d'imaxe y pol emplegu de medios áreos, como helicópteros o drones.

Esta población llangreana acoyó la primer edición d'estes xuntances pa baillar.

El 14 de marzu del 2015 celebróse la primer Nueche en Danza col oxetivu d'ufierta un espaciu pa baillar, tocar y cantar ensin más pretensión que pasalo bien. L'ésitu de la mesma provocó que los sos promotores treslladaren esta celebración de manera periódica a otros llugares, promoviendo asina'l baille y la música asturiana per tol país.

De baldre na cervecería Sr. Lúpulo.

El grupu folk ḷḷenizu abre los sos conciertos del 2017 en Xixón poco depués de cumplise un añu del so debú en Cenera. La Nueve surdió nel 2015 "como respuesta natural a la necesidá creativa d'un grupu comprometíu cola revalorización y reivindicación de la cultura popular asturiana", con recopilaciones recoyíes n’estudios del folclor ḷḷenizu, asturianu y d’otros llugares.

“Voi dici-y una cosa. Va prestame muncho velo”, respondió’l presidente nun asturianu perfeutu a la popular Mercedes Fernández, qu’enantes dixera que nunca sintiera al socialista “decir ni un 'ye'”. El PP siguió na Xunta Xeneral col so ataque al plan esperimental pa facer l’idioma vehicular en Primaria.

Venti persones van participar nesti cursu que cuenta con Xoán Montero como profesor.

Esti xueves espublizóse nel BOPA la resolución que prohibe plantar pataca en Santiso d’Abres, A Veiga, Taramundi y Castropol per un mínimu de dos años, al igual qu’en zones de Navia, Cuideiru y Valdés. La causa ye la plaga de la poliya guatemaliana de la pataca.