Gaspar Llamazares demanda una investigación a fondu de los gobiernos estatales del PP tres conocer l’últimu informe sobre Rodrigo Rato de los peritos de la Guardia Civil. El voceru d’Izquierda Xunida (IX) na Xunta Xeneral afirma que “los gobiernos del PP foron gobiernos pa financiar y dopar al PP de manera illegal”.

Celtiberian Heritage Society ye’l nome d’una organización creada recién n’Estaos Xuníos cola fin d’espardir la cultura de raigañu celta de la Península Ibérica al otru llau del ‘charcu’, con un enfotu especial na música asturiana. El gallegu Bernardo Riveiro y otros emigrantes tán detrás d'esti proyeutu.

Los Presupuestos Xenerales del Estáu amuesen el desinterés del Gobiernu estatal en solucionar los problemes históricos del país dafechu. Un 92 por cientu de los llectores que participaron en ‘Conceyu Abiertu’ cree que les cuentes marxinen a Asturies.

La cantante sami de 18 años Ella Marie Hætta Isaksen llevó esta edición del festival européu de cantares en llingües minorizaes, nel que nun hebo representación asturiana.

Viveros del país norteamericanu tienen yá delles a la venta tres recibir el preste del United States Department of Agriculture.

Trátase del segundu discu del maestru gaiteru.

Bras Rodrigo escoyó Llanes pa presentar en direutu 'A pause in New York' (Goxe Producciones), trabayu que vio la lluz na seronda pasada y col que'l de Perlora fai un percorríu musical per tol Arcu Atlánticu. Nesta puesta n'escena del trabayu, el gaiteru va tar acompañáu por ochos músicos sobre l'escenariu.

La cita ta prevista pa esta nueche, a les 23.30 hores, na esplanada del puertu. L'asistencia al espectáculu ye de baldre.

El programa infantil en llingua asturiana de TPA, ‘Fálame’, tien previstu’l so estrenu’l día 23. Esti espaciu pa la reciella que va emitise nes mañanes del domingu, con redifusión el sábadu siguiente.

Ye ún de los munchos festexos relixosos, gastronómicos o d'ociu que s'entamen nel país estos díes de Selmana Santa.

El Vía Crucis Viviente de Vilanova d'Ozcos, declaráu l'añu pasáu Fiesta d'Interés Turísticu, celébrase tolos Xueves Santu al rodiu del Monasteriu de Santa María. Trátase d'una representación popular de la Pasión según San Marcos, cola participación y collaboración d'un gran númberu de vecinos y vecines, con salida a les 19 hores.

Les diferentes academies del castellanu, gallegu, eusquera y catalán reciben una aportación estatal que, quitando la RAE (1.661.290 euros), ye de 283.000 euros pa cada idioma. L’Academia de la Llingua Asturiana (ALLA), mentes, sigue ensin recibir partida nenguna de los Presupuestos Xenerales.

Celébrase esti xueves na población sami de Guovdageaidnu, depués de dos años de parón, cola participación d'ocho países.

Tres seis participaciones consecutives, Asturies nun va llevar representante al Liet International. Depués de que Dixebra debutara na edición del 2008 en Luleå, tamién en territoriu sami, les ediciones siguientes (2009, 2010, 2011, 2012 y 2014) del festival européu de la canción en llingües minorizaes siempre contó con un artista o banda que defendiera l'asturianu.