Prohibida la concentración del Movimiento Social Republicano
|
12 Marzu, 2010 por E.P. / Redacción
- Inicie sesión o rexístrese pa espublizar comentarios
El Movimiento Social Republicano calificó de "la falta de rigor democráticu" de la Delegación del Gobiernu por prohibir la concentración que pretendíen celebrar mañana n'Uviéu.
Según los manifestantes esta falta de rigor "débese a que la Delegación del Gobiernu cedió a les presiones que grupúsculos d'estrema esquierda, violentos y descontrolaos, realizaron convocando una contra-manifestación pal mesmu día nel mesmu llugar, pa reventar un actu públicu en pro de los drechos sociales".
El MSR alcuentra "llamentable que se ceda al chantaxe de grupúsculos que presumen de llibertarios cuando en realidá representen la represión y la censura más escures dende los tiempos del estalinismu".
A lo último, el MSR aseguró que convocó según los procedimientos llegales una concentración pacífica y polos drechos de los trabayadores. "El grupúsculu de violentos convocó una marcha illegal contra la nuestra", añadieron.
Posibilidá d'enfrentamientos
La Delegación del Gobiernu decidió prohibir la concentración convocada pa mañana sábadu a les 12 na Plaza l’Ayuntamientu baxo'l lema 'El trabajo: un derecho antes que un deber'. Según el gabinete dirixíu por Antonio Trevín “hai constancia de que se podíen producir enfrentamientos violentos y un riesgu xeneral pa la paz ciudadana”.
Dende Delegación de Gobiernu, aseguren que la decisión vien pola conocencia de que dellos grupos “d'estrema esquierda” teníen entamaes aiciones de boicot y que, amás, taben espublizaes al traviés de delles páxines d'internet.
Amás, apunten a antecedentes n’Asturies d’enfrentamientos “ente grupos d’estrema drecha y d’estrema esquierda” p’afitar razones fundaes pa prohibir una concentración que podría traer “una alteración del orde públicu”.
El Bloque quier que nun se permita una concentración neonazi n’Uviéu
Efrén d'Andrés
Lo + visto de la selmana
Comentarios
Paezme del todo anormal que Antonio Trevín desautorice una concentración d' un partiu políticu (o asociación, o lo que seya) por cuenta d´unes amenaces. Ye totalmente inverosimil en plenu sieglu XXI. Diz que pue derivar nuna batalla campal, cuando los que organicen l'actu nun tuvieron nunca problema algún n' Asturies.
Si pue haber batalla campal por cuenta de los antifascistes, pues que los detengan y que yos apliquen la ley d´una puta vez, que la so impunidad empieza a resultar descarada, pero que nun restrinxan drechos constitucionales a la xente. Ye vergoñoso.
Si mañana un grupu de fascistes empiecen a amenazar con provocar altercaos ca vez que se fae una manifestación d´izquierdes ¿qué facemos? ¿prohibimos toles manifestaciones por cuenta de cualquier amenaza?
En serio, paezme increible.
Abultame raru esto a mi tamién daqué pasaría que nun sal na prensa.
Probe llibertá d'espresión, tan dando-y per tolos llaos.
Y probes tamién los que nun quieren oyer opiniones distintes a les suyes. Eso de reventar manifestaciones, mitines, charles y conferencies ye tercermundista e impropio d'una sociedá civilizada.