El Conceyu de Xixón nun se punxo en contautu col ciudadanu discrimináu
|
29 Xineru, 2010 por Damián Barreiro
- Inicie sesión o rexístrese pa espublizar comentarios
El ciudadanu de Xixón que sufrió’l sonáu casu de discriminación llingüística diz que “ye total y absolutamente falso” que se punxeran en contautu con él pa aclarar l’asuntu.
“Nun recibí nenguna comunicación nin oral nin escrita per parte del Conceyu de Xixón, nin de naide”, esclaria Ignacio Galán López-Dóriga, el ciudadanu xixonés que’l pasáu 28 d’avientu foi a les dependencies municipales a notificar un cambiu de vivienda, sorprendiéndose al ver como la funcionaria que lu atendía ría al ver delles pallabres escrites n’asturianu.
D’otru llau, camienta que la funcionaria en cuestión, “que fizo mal al tomar l’actitú yá conocida”, nun ye la máxima responsable. “La culpa principal ye de los políticos del PSOE y IU-Bloque por Asturies que gobiernen l’Ayuntamientu de Xixón y que nun punxeron a disposición de los ciudadanos los documentos necesarios pa poder dirixise a esti organismu públicu n’asturianu”, sentencia.
Tamién señala como responsables los encargaos de la Oficina Municipal de la Llingua, “a la que se pidió’l modelu normalizáu n’asturianu necesariu pal trámite, ensin recibir respuesta nenguna”.
El ciudadanu señala que “Churruca” miente a la ciudadanía y usa de cabeza de turcu a una funcionaria, “cuando la so inacción ye la causante d’esti tipu de conflictos”. Del mesmu mou, fala de que “les contradicciones del conceyal Montes Estrada salten a la vista”, al denunciar a los medios de comunicación por nun usar los topónimos n’asturianu, delantre d’un cartelu del propiu Ayuntamientu nel que namás pue lleese “Ayuntamiento de Gijón”.
López-Dóriga esclaria que namás quier dexar constancia “de la manipulación y les mentires del equipu de gobiernu del PSOE y IU-Bloque por Asturies nesta cuestión”. Diz que nun quier nenguna disculpa del Ayuntamientu, “que de toes formes nun se me dio”, namás quier que cumplan colos drechos de los ciudadanos, “ensin que pasen coses asina”.
Espediente disciplinariu pa la funcionaria que fixo risión de la llingua
Tratu "indignu" a un ciudadanu de Xixón por usar l'asturianu
Efrén d'Andrés
Lo + visto de la selmana
Comentarios
Facen burlla'd toos ,si l' ayuntamientu noun fai nada, que non seya'l paripe ,
pa acallantar a quien fala asturianu,camuden daguna cosa, onde menos se vee,
Poro dientro que fixeron?Nada...Ye una vergoña empenzando pela alcaldesa ,que fai lo mesnu que Areces..Burlla.
Que facen los coceyales , que tan na casa del Conceyu con los socialistes??Comen del duernu con ellos !!! Non Tann ellexios para trabayar por Asturies???
Ya, pero n'esti Conceyu de Xixón hai una ordenanza d'usu y promoción de la llingua y hai una política llingüistica favoratible pa la nuesa llingua. Ya quisiera yo pa Uviéu una décima parte de lo que se fae en Xixón. Xixón ye exemplu pa'l Gobiernu'l País y pa los "mayorales" d'Uviéu.
A la funcionaria xixonesa abriose-y un espediente informativu y polo menos n'esta casa'l Conceyu los sos mayorales toménse en seriu la nuesa llingua y el so compromisu pa con ella.
Home Carllos, puede habela so el papel, pero na práctica si los funcionarios fain goña de ún o una, o nun hai formularios n´asturianu entos ye todo buenes intenciones que queden perbien en campañes promocionales y nun valen un res a la hora la verdá, tamos igual que n´Uviéu.
No si todavía tenemos que agradecei a Churruca los esfuerzos !!! solo se valen del asturianu pa facer política.
-¿Por qué no se ocupen de que los documentos estén normalizaos según la llei del propiu Conceyu?
-Porque facen la Llei pa ganar votos y popularidá entre los asturianistas pero luego no les importa si se cumple o no, en su propia casa.
¿Además por qué miente diciendo que se faló col ciudadanu de tal modo qu'el propiu perxudicau tien que salir a la palestra a decir que nadie faló con él? Más engaños.
xavier
Carllos, per un llau leves razon..Pa facer mas que n'Uvieu non fai falta nada,porque nada se fai!!Ye un trapu prietu (Como siempre)y non dende ayeri..Hasta creen que nun son asturianos,que son mas de Castiella!!.
Poro na casa del Conceyu'd Xixon ,como vees anden con la mentira..Encima de burllase cunten d'expediente y polo vistu mentira!!!
Sabialo yo, agora votar a izquierda vendida nes prósimes eleiciones, como faen munchos estomagos agradecios.
Y toi camentando que l´espediente distiplinariu tamién ye un bilordiu, que lu faigan públicu, si ye verdá, que yá ta bien del antiasturianismu institucionalizau.
XIXÓN FALA N'ASTURIANU.... sí, pero ríense d'él...
Gabis
Una entruga, en casu de que nos pase daque asemeyao col ayuntamientu ¿Onde presentamos la quexa? Nunca se sabe, gracies.