La Xunta de Galicia diz qu'estender la TVG ye "una demanda social"
|
18 Payares, 2009 por E.P. / Redacción
- Inicie sesión o rexístrese pa espublizar comentarios
L'executivu gallegu sorrayó ayeri que la estensión de los servicios de la Televisión de Galicia (TVG) a zones de comunidaes llenderes -como Asturies, El Bierzu (Castiella y Lleón) y Sanabria (Zamora)- constitúi "una demanda social" y sorayó que, en tou casu, va facese "d'acordies y cola collaboración" de los otros gobiernos autonómicos.
En declaraciones a Europa Press, el secretariu xeneral de Medios, Alfonso Cabaleiro, sorrayó que facilitar la receición de la señal de la TVG en zones llenderes diba facese "dende'l más absolutu respetu" a les comunidaes autónomes implicaes y con "plenu acuerdu" colos sos gobiernos.
Dempués de que la directora xeneral de Política Llingüística del Principáu, Consuelo Vega, recordare al presidente de la Xunta, Alberto Núñez Feijóo, que les competencies ente Asturies y Galicia "acaben nes llendes exactes de los territorios", Cabaleiro insistió en que, en cualquier casu, l'intercambiu d'espacios televisivos diba facese "siempre baxo l'acuerdu coles comunidaes autónomes".
De la mesma manera, recordó qu'esti tipu de midíes surdes precisamente por pidimientu de colectivos gallegos que viven en zones llenderes, casu por exemplu de Castiella y Lleón, onde esplicó que yá se desarrollaron contactos col Executivu autonómicu, porque ye l'área que concentra'l mayor volume de pidimientos nesti sen, y indicó de la mesma manera qu'existió yá dalgún contactu ente les televisiones públiques gallega y asturiana.
Efrén d'Andrés
Lo + visto de la selmana
Comentarios
Esto ye un de les coses que robló pola espalda la FSA col PSG y BNG pa cuando van decir una verdá. Primeru ye la TVG, llueu diran que ye l'enseñu nes zones y pa finar l' anexón alministrativa tienenlo yá too preparau.
Pues a min parezme que taría bien recibir la señal de la TVG en toa Asturies, non namás na llende con Galicia como proponen en plan anexionista, en Baleares reciben TV3 y en Cataluña IB3, lo mesmo pasa en Valencia, la TVG debería poder vese en tol territoriu nueso y si tuviera una programación amañosa y non vergoñosa tamien la TPA en Galicia.