Tresporte

N´Asturies entá alcontramos medios d'acarrexu que tan presentes dende fai miles d'años. Falamos de medios d'arrastre como'1 rastrón p'acarretar piedres y d'otros más evolucionaos como la carreña, carriella o corza entretexía de cebatu p'acarretar cuchu, tierra, panoya, etc. y el forcáu o rametu especializáu na yerba, pero que tamién arrastra lleña o lo que se tercie. E1 carru'1 País o carru chillón con rodame d'exa fixa que vira coles dos ruedes y que lo mesmo tira de la yerba que del axugal de la novia nos casorios. Toos estos inxenios van tiraos pola sempi- terna parexa de vaques o de gües xunída pol xugu cornal. Namás recientemente empecipióse a poner el caballu al forcáu y la carreña, pues de siempre esti animal foi de carga y non de tiru n'Asturies. Los homes cargen al llombu dende'l zurrón cola carraca pol puertu, a los sábanos de yerba, y la muyer carga na cabeza dende'1 fexe de lleña a la ferrada'1 agua o el trubiecu del neñu. Los homes tamién s'ayudaren de la camella pa llevar al llombu dos calderos pesaos y les angaríes pal tresporte de piedres y materiales.