La vuelta del derbi, de sábadu a les 18.30 hores

Nesta ocasión Sporting y Uviéu sí pertenecen al grupu que llucha polos puestos d'arriba de la tabla de Segunda, lo qu'aumenta la emoción.

La vuelta del derbi asturianu, encuadráu na xornada 26 de Lliga, yá tíen fecha y hora: el sábadu 10 de febreru a les 18.30 hores (LaLiga TV HypemortionV y Movistar+). L'escenariu, un Molinón que vien promediando cuasi 20.000 espectadores nos partíos últimos y que promete raspiar l'enllenu.

La marcha de los de Miguel Ángel Ramírez, terceros na tabla depués de 22 partíos con 36 puntos, a 2 el ascensu que marca'l Racing Club Ferrol, ilusiona a l'afición roxiblanca. Enfrente van tener a un Uviéu revivíu de la mano de Luis Carrión, agora undécimu con 31 puntos, a 4 del Levante que pieslla los puestos de promoción.

Un choque que se presenta emocionante depués de delles cites marcaes pola trayeutoria irregular de los dos conxuntos asturianos del fútbol profesional y un partíu n'Uviéu en setiembre que finó con una probe igualada ensin goles. L'oxetivu d'entrambos equipos agora ye l'ascensu y nesti mercáu d'iviernu tán reforzándose colos fichaxes de Mario González (LA FC), el Sporting, y de Dubasin (Basilea), Borja Sánchez (León) y Homenchenko (Peñarol), l'Uviéu.

Na semeya, un momentu del derbi últimu n'El Molinón, que finó con empate (1-1).