Navidá, tiempu de tradiciones

Apuerta’l Nadal a Asturies, un tiempu de xuntanza, tradiciones recuperaes y aguilandos.

Güei ye Nuechebona, xornada de xuntanza y tradiciones. N'Asturies ta recuperándose con fuercia la del nataliegu, ritual que taba a piques de desaniciaes y que consiste na quema d’un tueru d’un árbol, les más de les veces de carbayu, qu’ambura tola nueche y que se recueye a la mañana siguiente, día 25.

Los restos recoyíense y guardábense hasta l’añu siguiente, cola intención de qu’esti ritual traxera fertilidá a la casa y al ganáu, y que defendiera a los sos habitantes del mal. Un añu más tamién tán dexándose ver munchos ramos de Nadal, que consisten nuna cadarma de madera de forma triangular con 12 veles, una per cada mes del añu, de la que se cuelguen ufriendes.

Pa conocer sobre estes fiestes, el so orixe y les so tradiciones pueden consultar el nuesu espaciu d'Asturies.com ‘Ye tiempu de… Navidá’. Na web nueva de 'A la Gueta los Suaños' tamién ta disponible un reportaxe sobre la Navidá, y na nuesa estaya infantil una ficha didáutica sobre'l nataliegu y un reportaxe sobre'l personaxe navidiegu L'Anguleru, que va ser recibíu poles neñes y neños a les 18 hores d'esta tarde en L'Arena.