Moriyón va anunciar la rotura del pautu con VOX en Xixón: "Acabóse"

La rueda de prensa d'esta mañana de la edil de Festexos, Sara Concepción Álvarez Rouco, sobre'l FICX, lleva a l'alcaldesa a dar esti pasu.

Carmen Moriyón convocó pa esta tarde, a les 18 hores nel Salón de Receiciones del Conceyu de Xixón, una intervención énte la prensa. Failo depués d'espublizar un mensaxe na rede social X con un breve y contundente "acabóse".

La presidenta de Foro va anunciar la rotura del pautu de gobiernu con VOX robláu en xunu que-y permitió llegar a l'alcadía y que dio a la formación ultraderechista Festexos y la presidencia de Divertia. La razón ye una intervención d'Álvarez Rouco sobre'l Festival Internacional de Cine de Gijón/Xixón (FICX), que depende de la empresa municipal, na qu'apuntó la intención d'abrir la edición del 2024 del certame a otros públicos y nun asegurar la continuidá del premiu Rambal que s'entrega en collaboración con XEGA nin de películes n'asturianu, asina como anunciar la convocatoria d'un gallardón nel marcu del festival que represente los valores que defende'l so partíu, cuestiones que nun consultara col partíu que tien l'Alcaldía.

Se acabó.

— Carmen Moriyón (@CarmenMoriyon) October 4, 2023