Enfría la posibilidá d'empate a escaños pola baxa participación emigrante nel oriente

Namái 1.337 ciudadanos residentes nel esterior exercieron el so derechu al votu nesta circunscripción cuando los populares necesiten 890 apoyos más que los socialistes.

De los 123.184 incritos nel Censu de Residentes Ausentes (CERA) namái votaron 6.749 persones, 1.337 del oriente, onde tán puestes toles miraes. Una cantidá que triplica la del 2019, cuando hebo 452, llueu de la retirada de la esixencia de rogar el votu, pero que paez insuficiente pa les aspiraciones del PP de quita-y un escañu a la FSA y empatar a 18.

Pa ello necesita 890 apoyos más que los socialistes nesos 1.337, cantidá difícil de remontar, más cuando la FSA tien un puxu fuerte ente la emigración. Llueu de contabilizar tolos votos que llegaron dende los diferentes consulaos a lo llargo d'esta mañana, a les 16.30 hores va arrancar el recuentu pa tener la cifra definitiva de les eleiciones nacionales del 28-M.

Otra manera, la circunscripción central rexistró 4.079 votos de la emigración y la occidental, 1.333.

Na semeya, papeletes nun colexu eleutoral el 28-M.