Dos hidroaviones súmense a la llucha contra les quemes

L'occidente y Piloña son les zones más afeutaes polos 107 focos activos. "Asturies nun ambura, quémenla", denuncia'l presidente Barbón.

El fueu sigue acabando col monte asturianu por mor de quemes provocaes y la situación meteorolóxica: aire fuerte y ausencia d'agua hasta mañana. La situación obligó ayeri a solicitar el sofitu de la Unidá Militar d'Emerxencies (UME) de Lleón y pa güei espérase la llegada de dos hidroaviones FOCA del Ministeriu de Transición Ecolóxica y el Retu Demográficu p'actuar en Valdés y en Tinéu.

Tamién ta previstu'l refuerzu d'una Brigada de Refuerzu de Quemes Forestales estremeña pa trabayar en Villayón. Ye l'occidente la zona más afeutada pol fueu, amás de Piloña.

Esta madrugada foi dura nestos llugares, onde dalgunos vecinos tuvieron qu'abandonar los sos llares por precaución. Adrián Barbón calificó de "criminales" a los autores de les quemes, de los qu'hai indicios, anque non detenciones, y afaló a la ciudadanía a denunciar.

Na imaxe, la quema de Foyéu (Tinéu), una de les que más esmolez y sobre la que va actuar un hidroavión.