El derbi xuégase primero nel Twitch d'Alderiques

A pocos díes pal Uviéu-Sporting (sábadu, 21 hores), Samuel Gradín, Míguel Fernandi y Pablo R. Guardado van falar del partíu más esperáu.

Alderiques tien programáu una tresmisión en direuto nueva pa esta tarde a les 19 hores. Nesta ocasión va ser especial, yá que va centrase nel derbi y va contar con dos convidaos.

Van acompañar a Gradín, conductor del espaciu, el comentarista de los partíos del Uviéu en RPA, Fernandi, y el redautor d'esti mediu dixital, Rodríguez Guardado, collaborador habitual d'Alderiques na información del Sporting. Nel direuto en Twitch los usuarios van poder interactuar colos trés gracies a la opción de 'chat', mentes que depués del fin de la emisión ésti va tar disponible na canal d'Alderiques nesta plataforma unos díes y na de YouTube de siguío.