Intentu de protexer les pieces pa recuperar l'horru de Sama

Téunicos municipales, de Patrimoniu y de l'Asociación de Amigos del Hórreo Asturiano, y estudiosos, aconceyaron pa tomar midíes d'urxencia pa salvar esti bien del sieglu XVI.

La necesidá d'actuar con rapidez pa evitar la perda irreparable del horru de Sama que cayó pol accidente d'una camión d'obra que perdió'l control, llevó ayeri a celebrar una xunta pa evaluar la situación. Asina, decidióse poner en marcha midíes d'urxencia in situ énte l'amenaza d'agua qu'hai en Grau a partir de la tarde del domingu.

Tamién coincidióse n'insistir a les entidaes implicaes na importancia d'entainar col atropu de les pieces y col llabor de recuperación. Fecháu posiblemente nel 1512, ye ún de los 12 horros del sieglu XVI rexistraos, y protagonizó parte del documental 'L'horru' de Jaime Santos, escena onde participa Armando Graña, estudiosu que tuvo tamién presente nel aconceyamientu d'ayeri.

Semeya obra de Víctor Manuel Suarez García.