Lesmes dimite y fuercia a Sánchez y Núñez Feijóo a negociar un alcuerdu

El presidente del Supremu y del Conseyu Xeneral de Poder Xudicial (CXPX) yá amenazara con dar esti pasu énte'l bloquéu a la renovación del órganu de gobiernu de los xueces.

Na tarde d'ayeri dábase a conocer esta decisión de Carlos Lesmes, que comunicara esta mañana al rei Felipe VI y al Ministeriu de Xusticia per carta. Un movimientu que yá anunciara nel actu d'apertura del añu xudicial va un mes por mor del incumplimientu del Congresu y del Senáu de nomar a los vocales del CXPX que s'allarga yá cuatro años.

"Calteneme nesta responsabilidá namái pue servir pa convertime en cómplice d'una situación qu'aborrezo y que ye inaceptable", declarara ayeri nun videu difundíu pol Poder Xudicial. El madrilanu, "perdida toa esperanza de rectificación y énte'l patetente deterioru del Tribunal Suprermu y del Conseyu Xeneral de Poder Xudicial que nun puedo evitar", va regresar de forma activa al serviciu activu na carrera xudicial y servir nel Supremu como maxistráu.

Tamién esta mañana Pedro Sánchez y Alberto Núñez Feijóo, presidente del Gobiernu estatal y secretariu xeneral de PSOE, y presidente del PP, de manera respeutiva, aconceyaron per trés hores en La Moncloa forzaos pola situación de crisis constitucional que provoca la dimisión de Lesmes. Na xunta avanzaron nun alcuerdu pa una renovación conxunta del CXPX y del Tribunal Supremu, según confirmó'l popular a la salida, anque entovía hai diferencies colos socialistes pol sistema d'escoyeta de los vocales, apuntaron dende l'Executivu.

Les conversaciones van siguir, ensin plazos pel momentu. Los dos partíos caltienen que la solución ha llegar lo más pronto posible.

Na semeya, Lesmes ayeri.