Les etapes asturianes de La Vuelta, emisiones más vistes del día en La 1

Trés millones de persones vivieron na primer canal y en Teledeporte dende los sos llares los ascensos al Colláu Fancuaya y a Les Praeres.

Les dos etapes asturianes de La Vuelta foron les más vistes de tolo que va de carrera y tamién del día en La 1. El sábadu, el final na cume asisitada en Yernes y Tameza tuvo 1.257.000 telespectadores –a los qu'hai que sumar 261.000 personas que se coneutaron a la cadena pública temática de deporte– y una cuota de pantalla del 13,4 por cientu, superando los 868.000 del 'Teledario Fin de Semana 1' (9,8 por cientu) y teniendo namái menos telespectadores que 'Antena 3 Noticias Fin de Semana', que rexistró 1.809.000 (20,6 por cientu), y 'Informativos Telecinco 15:00', 1.157.000 (13,1 por cientu de share).

El domingu la etapa de Les Praeres acumuló 1.257.000 persones frente al televisor –más 261.000 de Teledeporte–, con una cuota de pantalla del 13,7 por cientu qu'igualó a 'La Película de la Semana', qu'emitió Mula, anque con más televidentes, 1.467.000, que la dexan como'l segundu programa del día. L'informativu d'Antena 3 del meudía tornó a ser la emisión más vista de la xornada, con 1.673.000 (18,9 por cientu), y el capítulu de la telenovela turca d'esa mesma canal 'Infiel', con 1.440.000 (14,7 por cientu), el terceru.

A estes audiencies de La Vuelta hai que sumar el numberosu públicu presente na carretera y la emisión nel estranxeru que llevó l'espectáculu de les etapes asturianes a tol mundu. Millones de televidentes que reconocen a Asturies como ún de los templos internacionales del ciclismu.

Na semeya, ambiente en Les Praeres.